Македонската ракометна репрезентација Европското првенство во Данска го заврши на десеттата позиција пет скалила подолу од пред две години во Србија.
– Направивме огромен успех со освојувањето на десеттото место и пласманот во втората фаза од ЕП. Сите треба на вистината да и погледнеме во очи бидејќи со се што се соочивме пред стартот на ЕП никој не се надеваше на ваков резултат – рече селекторот Обрван.
Во ТОП фазата Македонија не забележа ниту една победа туку претрпе три порази од Унгарија, Исланд и Шпанија.
– Во првиот натпревар од втората фаза против Унгарија не се одигравме како што знаеме затоа претрпевме пораз. Но, и да забележевме позитивен резултат тоа никако нема да беше гаранција за добар резултат во понатамошниот тек во групата. На дуелот со Исланд бевме достоен ривал до самиот крај, но ете и на тој меч ја напуштивме салата со наведнати глави. Им благодарам на Ракометна федерација на Македонија ни овозможи фантастични подготовки – заврши Обрван.
Мх.П.
