Иако „црвено жолтите“ лошо го започнаа Европското првенство во Данска сепак на крајот се издигнаа над сите и со победа над Австрија обезбедија пласман меѓу 12-те најдобри селекции на стариот континент.
– Со пласманот понатаму направивме огромен успех. Репрезентативците играат од срце и имаат голем карактер исто како и ние и федерацијата. Ги пребродивме сите проблеми, пехови, повреди и имавме една цел која ја остваривме и згора на се со победа на Данска против Чешка ќе пренесеме два бода во втората фаза. Заморот во текот на мечот си го направи своето и неможевме да ги капитализираме констатното водство кое го имавме. На крајот имавме среќа, но да не заборавиме среќата ги прати храбрите – рече во еден здив селекторот Ивица Обрван.
Селекторот Обрван во втората фаза ќе може да смета и на услигите на Немања Прибак, кој ќе има право за настап во следните натпревари од ЕП.
Извор „Екипа.мк“
Мх.П.
