Со цел развивање на услугите за долготрајна помош на лицата со попреченост од страна на квалификуван и професионален кадар, Црвен крст Охрид со помош и поддршка на Општина Охрид организира обука за личен асистент на лица со попреченост.

Сите заинтересирани лица од Општина Охрид и Општина Дебрца кои сакаат да ја следат обуката и да се стекнат со верификуван сертификат за личен асисент на лица со попреченост да се пријават на овој конкурс во периодот од денес до 28 август информираат од Црвен крст Охрид.

Кандидатите, велат, кои ги исполнуваат барањата и критериумите ќе посетуваат соодветна обука според верификувана програма, спроведена од стручен тим на предавачи и демонстратори.

По успешно завршената обука личниот асистент на лица со попреченост ќе биде дел од тимот на Нега центарот при Црвен крст Охрид со можност за платен работен ангажман, потенцираат.

Заинтересираните кандидати на возраст од 18-60 години, ќе можат да добијат повеќе информации и искажат интерес за обуката со јавување на еден од телефоните 046 261909 и 070 315309, на е-маил: [email protected] или во просториите на Црвен крст Охрид.

OhridNews