Во рамките на проектот СУСТКУЛТ- Достигнување на одржливост преку интегриран пристап на управување со културното наследство од програмата на Југоисточна Европа, кој го имплементира Секторот за туризам и локален економски развој на општина Охрид, во соработка со лидер партнерот од градот Венеција, од утре до 24 октомври, во хотелот „ Милениум Палас“ , ќе се одржи обука за управување со планови за културно наследство.
Обуката ке ја води Катри Лиситзин која има долгогодишно искуство во полето на заштита и планирање на културното наследство во Шведска. Во светски рамки е позната како консултант во ИККРОМ, ИКОМОС и Светскиот центар за културно наследство во рамките на УНЕСКО.
На настанот се поканети претставници на сите релевантни институции кои учествуваат во изготвувањето на планот за заштита на природното и културно наследство на охридскиот регион.
OhridNews
