Официјално започнува повикот за пријавување за обуките за млади менаџери. Факултетот за туризам и угостителство-Охрид и граѓанската организација “Инклузија” започнуваат прв серијал обуки за млади менаџери.
Преку обуките студентите ќе се стекнат со ново знаење и современи бизнис вештини кои ќе бидат од голема помош за нивниот постојан или нивниот иден бизнис, со цел поуспешна работа, поголем профит и опстојување на пазарот во време на економски кризи, велат од ФТУ.
Станува збор за 6 обуки, на теми: Претприемништво и мали бизниси, Менаџмент на човечки ресурси, Бизнис план, Родова еднаквост, Комуникациски вештини, Лидерство, а предавачи ќе бидат М-р Ирена Бандилова, Игор Пешевски, М-р Елена Ристеска, М-р Весна Цветаноска, Вахид Мемед, Ристе Ристески.
Сите учесници кои ќе присуствуваат на целиот серијал обуки, ќе се здобијат со сертификат. Првите 3 обуки ќе се одржат од 23 до 25 март, а за другите дополнително ќе бидат определни термините, додаваат.
Сите заинтересирани можат да се пријават на: [email protected].
OhridNews
