Од денес за безбедноста на учениците во основните и средни училишта во Охрид ќе се грижат вработени од Агенција за обезбедување. Оваа мерка се превзема од страна на Локалната самоуправа со цел да се спречат било какви инциденти во и околу школските згради во текот на двете смени додека учениците ја посетуваат наставата. Физичкото обезбедување преку агенција се врши по препорака на ЗЕЛС, а со подршка и средства од Локалната самоуправа.
Од безбедносни причини во дел од основните и средни училишта во Охрид веќе се поставени безбедносни камери, а чувари ги обезбедуваа објектите во вечерните часови.
Од СВР Охрид се согласуваат дека оваа мерка, како и превентивните и репресивни мерки, кои од страна на СВР се превземаат во последните неколку години во вид на проекти, кои се реализираат со целните групи- учениците во основните и средните училишта ќе влијаат кон намалувањето на бројот на инциденти и појавите на асоцијално однесување кај младите.
OhridNews
