Од денеска македонско- албанската граница граѓаните од двете земји ќе можат да ја преминуваат само со лична карта. Ова го соопшти на прес-конференција во Скопје, албанскиот амбасадор во Македонија Арбен Чејку, кој додаде дека за ваквата одлука од министерствата за внатрешни и за надворешни работи на Албанија се информирани сите гранични премини на границата со Македонија.
Амбасадорот Чејку најави дека во процес на подготовка се и други договори како што е договорот за признавање на возачките дозволи, за прашања од економската сфера.
Договорот кој стапува во сила денеска, а со кој е регулирано преминувањето на границата со лични карти, во Тирана во декември, минатата година го потпишаа министрите на надворешни работи на Албанија и на Македонија Едмонд Хаџинасто и Никола Попоски.
OhridNews
