На средбата, што се оддржа во средното угостителско училиште „Ванчо Питошески„ се изврши компаративна анализа на прекршоците за време на прославите на матурските вечери.
Согласно, аналитичките податоци на СВР , во 2011 како и во 2010 година, за време на матурските прослави не се регистрирани нарушувања на јавниот ред и мир, а не биле регистрирани ниту сообраќајни незгоди поврзани со прославите. Во текот на 2009 година, регистрирано било едно нарушување на јавниот ред и мир со користење на алкохол во угостителски објект, каде се славела матурската вечер.
На 23-от состанок на советодавната група граѓани беше потенцирана успешноста на проектот на СВР Охрид, „Среќни и безбедни матурски вечери“, а беа подржани и повеќе заклучоци. Неопходноста од организиран превоз до хотелите каде ќе се прославува матурата и делењето на влезниците за матурантит во автобусите, непосредно пред тргнување- се само дел од заклучоците.
Предвидено е и зголемување на присуството на ангажираните агенции за обезбедување и нивното ангажирање за преглед, посебно кога постои сомнеж за носење алкохол и предмети погодни за напад. На состанокот е договорено и да се преземат мерки за спречување обидите за нелегален влез на лица кои не се матуранти на прославите , а да се следи и состојбата на местата каде ќе има втора и трета матурска вечер. Посебно, беше искажана потребата од продолжување на присуството на полицијата околу училиштата, сообраќајниците и хотелите.
Еден од предлозите, што предизвика интерес и внимание, беше од идната школска година да започне имплементација на проектот- „Кодекс за пристојно облекување“, наменет за учениците, но и за професорите.
