Од ноќеска на полноќ, цената на бензините се намалува за два денари за литар, додека цената на дизелот останува иста. Екстра лесното масло за домаќинството се намалува за 0,50 денари за литар.
Според одлуката на Регулаторната комисија за енергетика, цената на ЕУРОСУПЕР БС-95 ќе изнесува 76 денари за литар, ЕУРОСУПЕР БС-98 за 77,50 денари за литар, додека ЕУРОДИЗЕЛОТ ќе се продава по цена од 68,50 денари за литар. Екстра лесното масло за домаќинство ќе се продава по цена од 57 денари за литар.
Од Регулаторната комисија за енергетика пониските цени на нафтените деривати ги објаснуваат со намалувањето на просечната цена на суровата нафта на светскиот пазар и со понискиот курс на денарот во однос на доларот.
OhridNews
