Специфичните оперативни зафати кои ретко се
прават, интервенции за кои има мал број на обучени доктори, како и сите ендоскопски и лапароскопски интервенции, задолжително ќе се снимаат. Ова го предвидува Правилникот за снимање на медицински интервенции и чување на снимките, кој денеска го промовираше министерот за здравство Никола Тодоров.
Снимките од интервенциите ќе се чуваат во посебна база, која со соодветно барање ќе им биде достапна на надлежните институции, како судот, а предвидено е снимките да се користат и за едукација и специјализација на медицинскиот кадар.
Правилникот за снимање на медицински интервенции и чување на снимките на сила стапува на 15-ти септември. Неговата примена е задолжителна, а директорите на здравствените установи кои нема да го почитуваат ќе се соочат со паричнa, но и затвоска казна во траење до една година.
