Од утре започнуваат уписите на деца во прво одделение за учебната 2022/2023 година. Законски обврзници се деца кои се родени од 1 јануари 2016 година до 31 декември 2016 година, односно кои во овој период ќе наполнат 6 години. 
По исклучок, детето може да се запише во прво одделение доколку наполни 6 години и до 31 јануари 2023 година, но по претходно барање од родител/старател и добиено мислење од педагог/психолог во училиштето.
За упис на првооделенците потребно е извод од матична книга на родени, државјанство за ученикот доколку е роден во странство, лична карта од родител/старатле на увид, медицинска потврда за примени задолжителни вакцини издадена од надлежна иснтитуција. Воедно потребни се и медицински потврди за извршен стоматолошки и офталмолошки преглед, информираат од основните училишта во Охрид.
Стоматолошкиот преглед се врши исклучиво во просториите за Детска и превентивна стоматологија во Маларична на тел. број 078/384-557, додека офталмолошкиот преглед се закажува преку матичните лекари.
За упис на првооделенците потребна е и пополнета пријава која се зема во самото училиште.
Уписите започнуваат од утре, а ќе траат до 30 мај.
OhridNews
