По повод одбележувањето на 3- ти декември – Светскиот ден на лицата со хендикеп , денеска, во просториите на Здружението на телесни инвалиди се одржа свеченост.
На свеченоста претседателите на здруженијата на лицата со хендикеп изразија благодарност за поддршката на локалната самоуправа, со надеж дека соработката ќе продолжи во иднина. Гаранција за ваквиот став, како што беше речено е усвојувањето на Локалниот акционен план за унапредување на положбата на лицата со попреченост во Општина Охрид.
Во рамките на одбележувањето, Здружението на телесните инвалиди, Здружението на слепи и Здружението на глуви и наглуви лица и другите асоциации, организираа спортски натпревари во повеќе дисциплини.
Свеченост по повод Денот на лицата со хедикеп се одржа и во просториите на Здружението на телесните инвалиди во Охрид. На прославата присуствуваше претседателот на Советот на Општина Охрид, Душко Јаковчески, кој истакна дека со Локалниот акционен план што неодамна го усвоија градските советници, ќе се овозможи подобра комуникација помеѓу локалната самоуправа и здруженијата на лица со хендикеп, со цел поефикасно решавање на проблемите.
Со пригодна свеченост Денот го одбележа и Здружението на родители на деца со церебрална парализа од Охрид.
OhridNews
