Со пригодна свеченост, Општинската организација на Сојузот на борци од Народноослободителната и антифашистичка војна на Македонија 1941-1945 и граѓаните продолжувачи во општините Охрид и Дебарца денеска ја одбележаа 70- годишнината од битката кај Српница – Охридско.
По тој повод беше положено свежо цвеќе на споменикот на паднатите борци од НОБ во село Лешани и на споменикот на паднатите борци од НОБ на споменикот во Српница.
На настанот присуствуваше и делегација од општина Дебарца на чело со градоначалникот Игор Трајкоски. За значењето на овој настан пригодно обраќање имаа Гоце Георгиески – претседател на ОО на СБ за Охрид и Дебарца и Крсте Крстаноски – учесник во НОАВМ.
OhridNews