Општинската организација на Сојузот на борците од Народноослободителната и антифашистичка војна на Македонија 1941- 1945 и граѓаните продолжувачи, во соработка со општините Охрид и Дебрца , денеска организираа свечено одбележување на денот на формирањето на Првата македонско-косовска ударна пролетерска бригада.
Свеченостите започнаа со посета на спомен собата од НОБ и ликовната колонија во Белчишта, а продолжија во селото Сливово каде се одржа централната свеченост, на која пригодно обраќање имаа генерал Тодор Атанасоски , претседателот на Републичкиот одбор и претседателот на Општинската организација на Сојузот на борците од НОАВМ, Гоце Георгиески.
Во рамките на прославата се одржа и пригодна културно- уметничка програма , беа доделени благодарници и свечено беше отворена спомен собата од НОБ во селото Сливово.
OhridNews
