Министерството за внатрешни работи информира дека вчера, во 16.05 часот, во село Ливоишта, охридско, од полициски службеници од Одделот за криминалистичка полиција при СВР Охрид е лишен од слобода 29-годишен жител на селото поради постоење основано сомнение дека сторил кривично дело „Недозволено изработување, држење и тргување со оружје или распрскувачки материи“.
Кај него биле пронајдени и одземени еден ловен карабин „заводи црвена застава“ кал.8×57 мм и 56 куршуми различен калибар.
По целосно документирање на случајот ќе биде поднесен соодветен поднесок, велат од МВР.
OhridNews
