Втор пат едно по друго е одложено рочиште од судскиот процес за глисерската несреќа, што минатото лето се случи во Охридското Езеро. Причина за денешното одложување, како што информираат од Основниот суд во Охрид, е тоа што Клиниката на невропсихијатрија во Скопје сеуште го нема завршено потребното вештачење врз охриѓанецот Христијан Шапкар (31), кој е обвинет дека ја предизвика несреќата, во која животот го загуби скопјанката Ирина Романова-Муцунска (39).
Како причини за одложување на денешното рочиште беа наведени и обврските на адвокатот на обвинетиот Емил Балабан, и неприсутвото на адвокатот на тужителот Татјана Попоски.
На следното рочиште, кое е закажано за 15 ноември треба да бидат сослушани сведоците на одбарната и да биде разгледан и извештајот на Клиниката на невропсихијатрија во Скопје, за состојбата на обвинетиот, кој се товари за предизвикување тешки дела против безбедноста на луѓето и имотот во сообраќајот.
Глисерската несреќа се случи на 22 август 2009 година, непосредно пред влезот на каналот Студенчишта.
OhridNews
