Градоначалникот на Охрид и проектниот тим од Секторот за Локален економски развој, на состанокот одржан вчера во малата сала на Општината, го  формираа тимот од експерти што ќе  работи на амбициозниот проект „Духот на Охрид“ (Spirit of Ohrid). Целта на овој проект е унапредување на алтернативни форми на туризам, размена на искуства , зачувување на културното наследство. Проектот ќе се работи во партнерска соработка со префектура Пефка, Солун (Грција) и освен развивање на туристичкиот потенцијал и размена на искуства од туризмот, според раководителот на ЛЕР Гоце Симоновски „ќе има и нескриена намера и желба за релаксирање на односите помеѓу двете земји и двете општини учеснички во проектот“.


„Духот на Охрид“ – амбиција за унапредување на туризмот

Проектот е предвидено да трае една година (со намера од него да произлезат и други проекти). Учество и свој придонес ќе дадат стручњаци од разни области како туризам, авиосообраќај, културно наследство, информатика, медии, новинарство итн.

С.К.