Повеќето нови фудбалери кои во зимскиот преоден рок пристигнаа во таборот на охридскиот фудбалски клуб Охрид 2004 доаѓаат од соседна Србија. Покрај српските интернационалци, охриѓани имаат и нов кормилар кој ќе ги води во вториот дел од сезоната.
Од тимот кој во првиот дел од сезоната собра 20 бода, останаа напаѓачот Клечкароски, дефанзивецот Мартиноски, играчите за врска Далчески и Каланоски, како и неколку фудбалери од младинскиот погон.
ФК ОХРИД 2004 – Охрид
Дојдоа: Горазд Михајлов (тренер), Филип Дурански (Славија Прага, Чешка), Климент Настоски (Поградец, Албанија), Мартин Блажевски (Металург), Јаколиќ (Словенија), Бубоња (Србија), Стефановиќ (Србија), Ајровиќ (Србија), Цветановиќ (Србија), Јовановиќ (Србија).
Заминаа: Драган Антиќ (тренер), Сашо Ѓорески (11 Октомври), Христијан Димоски (Металург), Филип Митревски (Металург), Дејан Костуранов (Македонија ЃП), Горан Пројков (Тиквеш), Александар Велески, Љупчо Митрески, Дејан Лескароски, Егзон Белица, Исник Алими.
М.П.
