Македонија е сместена меѓу 31 топ туристичка дестинација во светот кои угледниот „Њујорк Тајмс“ препорачува да се посетат во 2010 година, јави МИА.
Весникот во рубриката „патувања“, во текстот посветен на Македонија, ја потенцира убавината на Охридското Езеро како едно од најдлабоките езера во светот и на градот Охрид кој е дел од светското културно наследство заштитен од УНЕСКО.– Во градот кој што датира од неолитискиот период Македонците се гордеат дека на нивната страна од Езерото има црква, манастир или џамија за секој ден од годината богати со фрески, мозаици и икони. Особено атрактивни се неодамна реновираната црква „Св. Климент“ и „Св. Пантелејмон“ кај Плаошник, како и црквата „Св.Јован Канео“ која датира од 13 век, се наведува во текстот.
Весникот наведува дека годинава се планира реконструкција на Охридскиот аеродром вредна 50 милиони долари во очекување на повеќе меѓународни летови во текот на престојната туристичка сезона, а треба да почне и изградбата на шест нови луксузни хотели. Исто така се одбележуваат и реализираните инвестиции за разубавување и побогата понуда на охридските плажи.
Околината на Охрид, се наведува во текстот, изобилува и со богати археолошки локалите. На еден од нив минатото лето беа пронајдени 17 гробници од 5. век, а во 2008 година беше отворен и Музејот на вода што претставува наколна населба од бронзениот период, посочува „Њујорк Тајмс“.
Меѓу триесетината топ дестинации се и Турција, Аргентина Црна Гора, шри ланка
ohridnews
