Охридската локална самоуправа додели стипендии на четиринаесет охриѓани, спортисти од различни спортови како дел од проектот „Стипендија за млади таленти- спортист“
Охридскиот спорт се наоѓа во депресија, па со доделување на вакви стипендии се очекува работите малку од малку да се придвижат кон подобро.
Спортисти кои ќе бидат дел од проектот ќе добиват по 2.000 денари, а средствата кои ги доделува градоначалникот на Општина Охрид, Александар Петрески ќе бидат искористени за развој на спортскиот дух кај младите и заживување на спортот во Охрид.
– Младите во Охрид речиси и да не се занимаваат со спорт. На овој начин се дава поддршка на младите и талентираните спортисти ,средствата се скромни но очекуваме да делуваат стимулативно за овие спортисти да постигнуваат уште поголеми резултати и бидат пример за други млади луге – вели советникот во локалната и член на Комисијата за одредување на наградените, Јоне Станковски. Од Комисијата која го одреди добитниците на стипедниите се вели дека се вреднувале постигнатите резултати во последните две години како на локално, државно така и на меѓународните натпреварувања на кои настапиле.
Еве ја листата на наградени : Кафтаноски Филип, Мирчески Славчо и Реџеп Селман (атлетика), Димитар Поп Стефанија, Ставреска Елена, Колески Климе, Мошоски Славчо, Фармакоски Александар (едрење) , Влавческа Христина (фудбал), Тотиќ Вазира (карате), Јосифоски Филип, Петреска Дијана (теквондо), Рупески Петар и Иваноска Александра (веслање)
М.Постоловски
