На свеченото отворање на првата Конференција за земјите од Југоисточна Европа за одржлив развој на системи на енергија, вода и животна средина- ЈИЕ SDEWES, Охрид 2014, што започна вчера, во името на градот домаќин, учесниците ги поздрави заменик- градоначалникот Ангел Јанев.
„Охрид е развиен туристички центар, но и град полн со можности за развој на високата, незагадувачка лесна индустрија од секторите на електротехниката, информатиката и енергетиката. Со развојот на високото образовните, особено во делот на техничките науки, се овозможува лесно поврзување на науката со индустријата.“ – рече Јанев.
Инаку, на конференција учествуваат експерти и научни работници од Македонија, Хрватска, Србија, Германија, Данска, САД, Франција, Словенија, Црна Гора, Холандија, Унгарија, Грција и Колумбија.
OhridNews
