Конференцијата е дел од 14-месечниот проект насловен „Граѓанските организации како контролен механизам за борба против трговија со луѓе во Западен Балкан“. Основната цел на проектот е да се зајакнат капацитетите на граѓанските организации за учество во процесот на донесување одлуки од областа на превенција од трговијата со луѓе, како и заштита на жртвите на национално и регионално ниво, согласно вредностите на ЕУ, законодавството и она што се практикува во Македонија, Србија, Албанија и Косово.
– Ситуацијата со трговијата со луѓе во регионот се подобрува, како резултат на посветеноста на националните институции во борбата против трговијата со луѓе, но и последица од подобрувањето на општата економско-безбедносна ситуација во регионот, како и зачленувањето на некои држави од Источна Европа во Европската Унија кои во минатото беа посочувани како центри за регрутирање жртви, смета дел од учесниците на конференцијата.
Проектот „Граѓанските организации како контролен механизам за борба против трговија со луѓе во Западен Балкан“ е финансиран од Европската Унија, Фондацијата „Институт отворено општество Македонија“ преку програмите „Граѓанско општество“, „Исток Исток Партнерство помеѓу границите“ и „Балкан Труст фор Демоцрацѕ“, а се реализира на територијата на Западен Балкан.
