Денес и утре, во eSports ENTiTY во Охрид ќе се одржи LAN-завршницата на LAN Showdown 2026, во организација на ESPORTS.MK и eSports ENTiTY. Настанот е прв професионален турнир во Counter-Strike 2 од ваков ранг во градот.
По онлајн квалификациите, на кои учествуваа 17 екипи, осумте финалисти ќе се соочат во директни елиминациски натпревари за шампионската титула и награден фонд од 150.000 денари.
Со професионална натпреварувачка организација и директни преноси, турнирот ја носи атмосферата на големите еспортски настани во Охрид и придонесува кон развојот на локалната гејминг заедница.
Паралелно со натпреварите, во Taboo Billiard & Bar Club ќе се организира watch party, каде љубителите на CS2 ќе можат заедно да ги следат натпреварите и да навиваат за своите фаворити. За време на настанот, Скопско точено ќе биде достапно по промотивна цена од 150 денари.
Натпреварите ќе се пренесуваат во живо на Twitch каналот ESPORTSMK и на YouTube каналот eSports ENTiTY.
OhridNews
