Екипата на Охрид, ги договори првите контролни натпревари во рамките од зимските подготовки во вториот дел од сезоната. Првата контрола избраниците на Гоце Маркоски ќе ја имаат со струшки Караорман. На 2 февруари ќе играат со кичевски Напредок, а засега договорени се и натпреварите со Металург на 10 февруари и Ренова на 12.
Во зависност од тоа кои екипи ќе дојдат во Охрид на подготовки ќе се договори уште некој тест натпревар.
Првенството во второлигашката конкуренција започнува на 27 февруари, а Охрид на домашен терен игра против Цементарница.
М.П.
