Со богослужба во Свети Климентовиот храм Свети Климент и Св. Пантелејмон на Плаошник утрово започнаа чествувањата на патрониот празник на Охрид и заштитникот на МПЦ,. Св. Климент Охридски. Во рамки на свеченостите следбениците на охридскиот чудовторец се поклонija и положија свежо цвеќе на споменикот на Патронот во дворот на основното училиште „Свети Климент Охридски“.
Покрај најмладите , свежо цвеќе положија и градоначалникот на Охрид, Александар Петрески заедно со делегација на збратимениот град Поградец од Албанија. Делегацијата на владата ја предводеше Мирјана Секулоска заменик министер за информатичко општество, Паско Кузман директор на Управата за заштита на културното наследство, а пред споменикот на светителот на централниот плоштад во Охрид кој го носи неговото име, се поклонија и претставници од Основното Училиште „Св. Климент Охридски“, на истоименото средно училиште, како и претставници на политичките партии.
За жал чествувањето по повод празникот Св. Климент Охридски – Чудотворец, Патронот на Охрид и на Македонската православна црква, ниту оваа година не успеа да ги обедини локалните политичари. Тие денеска заеднички се поклонија пред споменикот на светителот, но остануваат на различните ставови за доделувањето на највисокото општинско признание, наградата Св. Климент Охридски.
Чествувањата по повод празникот Св. Климент Охридски, ќе бидат заокружени со свечена академија, вечерва, на која ќе бидат доделени наградите и повелбите на добитниците на највисокото општинско призание за 2010 година.
Овогодинешни добитници се Здружението на граѓани “Богојавление” , НУ фестивал “Охридско лето” и Велија Рамковски. Двете годинешни повелби се доделуваат на младата поетеса Христина Аслимовска, за неколкуте издадени книги и постхумно на Никола Манески, доајенот на охридското новинарство.
Ohridnews
