На Првиот меѓународен саем за вино и туризам што деновиве се одржа во Александровац – Жупа во Република Србија , Охрид учествуваше како град- партнер.
Во рамките на саемот , на штандот на Охрид , се одржа посебна видео- презентација и дегустација на квалитетни македонски вина. Пред бројните посетители, меѓу кои имаше амбасадори и видни јавни личности , беа претставени туристичките потенцијали на Охрид и можностите за развој на алтернативни форми на туризам.
Презентацијата на туристичките потенцијали на Охрид и вината од охридската и винаријата „Сковин“ предизвика интерес кај медиумите, туристичките агенции и учесниците на саемот.
Во натпреварувачкиот дел на Саемот , винаријата „ Сковин“ освои три сребрени медали за нивните квалитетни сортни вина.
OhridNews
