Делегација од францускиот град Каен, предводена од заменик градоначалникот Жан Нотари е во неколку дневна посета на Охрид, како резултат на потпишаниот меморандум за соработка помеѓу двата града.
Делегацијата беше примена од страна на градоначалникот Александар Петрески , при што била изразена подготвеност за интензивирање на соработката меѓу Охрид и Каен во областа на културата, уметноста, урбанизмот и архитектурата. На средбата било предложено двете страни да се заложат за отворање на авионска чартер линија со што би се промовирала и соработката во областа на туризмот.
Во рамки на неколкудневната посета, гостите од Франција ќе ги посетат најважните културно- историски знаменитости во Охрид, а ќе се организираат и посебни работни средби меѓу претставниците на локалните администрации на двата града.
OhridNews
