Современа бензинска пумпа за пловни ојекти наскоро ќе биде изградена во Охрид, најави министерот за транспорт и врски, Миле Јанакиевски. Тој соопшти дека Владата издвоила 11, 8 милиони денари за реконструкција на постоечките и изградба на ново, трето пристаниште во Охрид, во чии рамки ќе биде изградена и модерна бензинска пумпа.
Со тоа конечно ќе се реши проблемот со снабдување со гориво на пловните објекти, кои до сега танкираа гориво на небезбеден начин со канистри или други средства. Според Генералниот урбанистички план новото пристаниште е планирано да се изгради на просторот околу градската плажа.
Г.М.
