11 октомври – Денот на востанието на македонскиот народ и Ден на борецот, во Охрид ќе се одбележи со пригодна свеченост што ќе се одржи во големата сала на општината во организациј на Сојузот на борците од Народноослободителната и антифашистичка војна на Македонија 1941 – 1945 и на граѓаните продолжувачи во општините Охрид и Дебарца, во соработка со општините Охрид и Дебарца.
На свеченоста, која започнува во 10.30 часот, пригодно обраќање ќе има претседателот на Општинскиот одбор на СБ од Охрид и Дебарца Гоце Георгиески, по што ќе се одржи трибина посветена на Генерал Михајло Апостолски, командант на ГШ на НОВ и ПОМ, по повод 71 година од почетокот на НОАВМ и 25 годишнината од неговата смрт.
Воведничар ќе биде проф.Д-р. Владо Иваноски.
По повод Денот на револуцијата, делегации на градот, институции и Сојузот на борци, ќе положат свежо цвеќе на спомен обележјата на борците од НОВ.
