Претставникот на општина Охрид, Лидија Апостолоска пред присутните на конференцијата го поздрави ваквото истражување и истакна дека ваквите резултати од истражувањето се стимул повеќе да се пристапи кон подобрување и усовршување на развојните техники за транспарентност на локалната самоуправа зашто тоа е предуслов за развој на демократското општество кон кое сите се стремиме.
На конференцијата беше презентирана и публикацијата „Истражување на транспарентноста и отчетноста на единиците на локалната самоуправа во Република Македонија“. Во рамките на овој проект и систематското теренско истражување, кое тимот на Форум – Центарот за стратегиски истражувања го спроведе во сите 84 општини во државата и во градот Скопје, Охрид беше рангиран на четвртото место во однос на транспарентноста и отчетноста пред граѓаните.