Охрид е добитник на наградата „Златна чаша на гостопримството“ за град со најљубезен однос кон гостите во Југоисточна европа во 2009 година.
Наградата која ја доделува Меѓународно жири на асоцијацијата „Сацен интернешнал“, на Општина Охрид ќе и биде врачена на манифестацијата Туристички оскар „Златно туристичко срце на Југоисточна Европа (ЈИЕ)“, што денеска ќе се одржи во Белград.
Според градоначалникот на Охрид, Александар Петрески, оваа награда е уште една потврда на квалитетите што ги поседува најголемиот туристички центар во земјата и голема реклама за градот пред претстојната туристичка сезона.
Покрај признанието за гостопримство за Охрид, на манифестацијата во Белград ќе бидат доделени вкупно 18 награди од областа на туризмот.
OhridNews
