На 21- та Меѓународна туристичка берза и саем за туризам МЕТУБЕС 2012 што се одржуваше од 19- ти до 21- ви април, своја промоција имаше и Општина Охрид. На штанд од 20 метри квадратни, покрај промотивниот материјал за Охрид беа презентирани поголем дел од сместувачките капацитети.
Како што информираат од локалната самоуправа, во текот на трите дена колку што траеше саемот, охридскиот штанд бил одлично посетен, а гостин бил и амбасадорот на Република Македонија во Црна Гора, Александар Василески. Голем интерес за Охрид покажале и туристички агенции од Црна Гора, а дел од нив веќе го имаат Охрид ставено во својата понуда.
OhridNews
