Фудбалерите на Охрид на домашен терен против составот на Велазерими од Кичево ќе ја започнат новата сезона во Втората македонска фудбалска лига-запад.
„Рибарите“ во второлигашкото друштво се враќаат по пауза од осум години кога последен играа и обезбедија пласман во Првата МФЛ. Охриѓани билет за Втората лига обезбеди триумфирајќи во Третата МФЛ југо-запад минатата сезона.
Второлигашките возбудувања ќе започнат на 24 август.
Двојки 1. коло:
Кадино – Лабуништа
Пелистер – Вардар Форино
Кораб – Скопје
Гостивар – Дрита
Охрид – Велазерими
Во склоп на ждрепката за Втората лига извршено беше и влечење за првите мечеви во Купот на Македонија. Охрид за противник го доби тимот на Беласица. Мечот се игра во Охрид на 21 август.
OhridNews
