Охрид со негативен, Струга со позитивен природен прираст

Според податоците на Државниот завод за статистика, бројот на живородените деца во Македонија во првото тримесечје  од 2012 година, во споредба со истиот период од претходната година, е намален за 5.8 % и изнесува 5 307 живородени деца.

Бројот на умрените лица во првото тримесечје од 2012 година бележи зголемување од 9.2 % во споредба со истото тримесечје од 2011 година и изнесува 5 771 лице, а од нив 61 се умрени доенчиња.
 
Негативен тренд бележи и општина Охрид каде во првиот квартал се родиле 107 бебиња, а починале 147 лица. Во истиот период соседната општина Струга бележи позитивен природен прираст. Таму во првото тромесечје се родиле 147 бебиња, а починале  129 лица.