Во рамки на своите активности за обезбедување на доволни количества крв и крвни продукти за потребите на пациентите во здравствените установи во Охрид, Црвен крст Охрид во соработка со Општина Охрид, денеска на градскиот плоштад „Св. Климент Охридски“, организира голема крводарителска акција.
Акцијата чие мото е „ОХРИД СПАСУВА ЖИВОТИ” ќе се одвива во периодот од 10-17 часот.
Црвениот крст ги поканува граѓаните да ја покажат својата хуманост и да даруваат крв. На секој крводарител, организаторот на акцијата ќе му возврати со должно внимание, благодарност и скромен подарок за сеќавање на хуманиот гест, информираат од Црвениот крст.
OhridNews
