Учениците од гимназијата Св.Климент Охридски, по иницијатива на професорката по италјански јазик, Милијана Машановиќ и општинскиот Црвен Крст, по повод новогодишните и божиќните празници, започнаа со реализирање на хуманитарна акција, насловена: ” Сите наши сограѓани заслужуваат божиќен ручек”.

Се донираат тестенини, избрани како производ поради нивната поврзаност со Италија, италијанскиот јазик, но и поради подолгиот рок на траење и достапната цена.

Деновиве е реализирана една акција во Економското училиште, со учениците од прва и втора година.  Утре, е предвидено хуманитарната акција да се одржи во гимназиската зграда.

Донациите од храна (тестенини) ќе бидат наменети за лицата со попреченост од дневните центри Порака и Добротољубие, а доколку има поголем успех и за социјално загрозените семејства.

OhridNews