Општата болница во Охрид е подготвена да опслужи поголем број пациенти во летниот период и покрај реконструкцијата на старото болничко крило во кое беа сместени одделенијата за хирургија, гинекологија и уво грло и нос. И покрај тоа што пациентите кои вообичаено се примаа на овие одделенија сега се третираат во Струга и во другите здравствени установи во градот, охридската општа болница бележи зголемување на обемот на работа изјави деновиве директорот Љубен Арнаудов.
Тој информираше дека болницата располага со доволни количини крв и дека не очекува проблем во овој дел во летната туристичка сезона, кога се очекува и зголемен обем на работа.
-Од минатата година транфузиологијата која работи во склоп на нашата болница работи во рамки на регионалниот центар и функционира добро и без проблеми, има доволно количини крв и не очекуваме проблеми, истакна Д-р Арнаудов.
