Загубарот „ЕМО“ од Охрид и „Комерцијална Банка“ АД Скопје склучија договор за рамковен револвинг кредит лимит во износ 5,1 милиони евра за потребите од тековно финансирање на започнатите проекти, за издавање на гаранции, акредитиви и друго, јавува „Макфакс“
Охридскиот загубар „ЕМО“ според неревидираниот финансиски извештај за 2010 година објави нето загуба од 234 милиони денари, додека загубата во 2009 година изнесуваше 337 милиони денари.
Неодамна компанијата која со години работи со загуба доби нов директор. Акционерите го разрешија директорот Коста Димитров, а за нов извршен член на Одборот на директори и генерален директор е избран Зоран Трајчевски.
Трајчевски беше предложен од страна на Владата, која како претставник на државата е најголем акционер во компанијата со 41,6 отсто од акциите со право на глас.
Предлогот за избор на Трајчевски беше поддржан и од државниот Фонд за пензиско и инвалидско осигурување на Македонија кој во „ЕМО“ поседува 22 отсто од акциите со право на глас.
Во врска со информацијата од охридски ЕМО појаснуват дека Договорот за Рамковен Револвинг Кредит Лимит од 5.165.000 евра со Комерцијална банка бил склучен во мај минатата година.
извор: „Макфакс“
