Охридскиот боксер, Арсим Етеми од боксерскиот клуб “Алексо Огненовски” како дел од Македонската боксерска репрезентација во периодот од 24 октомври до 4 ноември, ќе биде учесник на светското првенство кое ќе се одржи во Белград, соседна Србија.
Арсим со тренерот Цекиќ успешно го завршија подготвителниот период и сега со нетрпение го очекуваат почетокот на првенството и се надеваат на успешен настап.
Мотивацијата за остварување на добар резултат кај Арсим е на највисоко ниво имајќи го во предвид фактот што Охриѓани за прв пат во историјата земаат учество на ваков голем настан,т.е светско првенство – истакнува тренерот Цекиќ.
Арсим во Белград ќе не претставува во категоријата до 80 килограми.
На првенството учество ќе земат 650 боксери во 13 тежински категории од 105 земји во светот меѓу кои голем број на олимписки, светски и европски прваци.
OhridNews
