Општинската организација на политичката партија ,,ГРОМ’’ од Охрид деновиве формираше Младински форум. За претседател на ова партиско тело едногласно е избран Ристе Танкоски, студент и професионален музичар, кој истовремено е и член на Извршниот одбор на Општинската организација на партијата. За потпретседател на Младинскиот форум е назначен Стојан Пешликоски, а секретар ќе биде Ивана Кикеска.
-Ова новоизбрано раководство на Младинскиот форум, со помош на останатите млади членови на нашата партија, кои според последните податоци бројат повеќе од 200, многу сериозно и посветено ќе се вклучи во работата на партијата, која од ден на ден зазема сè поголем замав и станува исклучително важна компонента на политичката сцена во Република Македонија, информираат од Општинскиот огранок на ,,ГРОМ” од Охрид.
OhridNews
