Преку соодветна програма на соработка и мотивација на крводарителите за доброволно дарување крв, со организирање на редовни и вонредни крводарителски акции, минатата година охридскиот Црвен крст реализира 2675 дарувања на крв, односно предвидениот план е надминат за 56 проценти.
– Хуманоста што ја покажаа нашите крводарители преку доброволно дарување крв придонесе да бидат спасени многу човечки животи, велат од Црвениот крст.
Како гест на благодарност кон нив, а по повод Денот на крводарителството во Р. Македонија, Црвен крст Охрид на 18.03.2011 год. (петок), со почеток во 13:00 ч., во Центарот за култура „Григор Прличев“ во Охрид, организира свеченост на која на заслужни крводарители, поединци и институции кои помогнале во развојот и унапредување на крводарителството, ќе им бидат доделени признанија.
OhridNews
