Во галеријата на Робевци, синоќа беше отворена самостојна изложба на познатиот охридски ликовен уметник, Славко Упевче.

На изложбата, што се одржува по повод 1100 годишнината од упокојувањето на Св. Наум Охридски – Чудотворец, се претставени 23 дела во техниките сув пастел, акварел и масло, кои уметникот ги изработил во изминатите 40 години со мотиви од Св. Наум.


Охридскиот уметник Славко Упевче претстави 23 дела посветени на Св. Наум Охридски

Првата самостојна изложба академскиот ликовен уметник,Славко Упевче, ја одржал во 1969 година во родниот Охрид. Покрај во Македонија, вредните уметнички дела Упевче ги претставил во повеќе градови во регионот, а студиски престојувал во голем број европски земји и САД. Во рамки на фестивалот „Охридско лето“ во 2009 година Упевче одржа јубилејна изложба на која беа изложени 40 дела, кои симболично го означуваат четиридеценискиот ликовен опус на овој признат уметник.

OhridNews
фото:Емилио