Ниту еден од четворицата македонски боксери, кои настапија на 48. меѓународен турнир „Белградски победник“, каде што настапија 50 боксери од Србија, Русија, БиХ, Македонија, не се пласира во финалните борби

Во четвртфиналните борби охриѓанецот Бојан Ристевски (69 кг) загуби од Србинот Зоран Митровиќ, поранешен носител на „Златна ракавица“ со прекин во втората рунда. Илчо Јоноски (75 кг) загуби од Србинот Никола Јовановиќ со 11-0.

Примислав Димовски (над 91 кг) во една крајно неизвесна борба загуби од домашниот боксер Горан Деспотовиќ со 2-1. Во полуфиналето Фатлум Жута (75 кг), му даде голем отпор на Русинот Гамзал Газамлиев, загубувајќи со 8-6.

Лауреат на „Белградски победник“, е ланскиот, Бранимир Станковиќ (57 кг) од Србија. Поради немање противници, Вели Мумин (51 кг) не настапи.

– Со оглед на фактот што на ова квалитетно натпреварување настапивме без некои посебни подготовки, добро одбоксувавме. Ова истовремено покажува дека без солидни подготовки нема што да бараме на силни турнири и на ова посебно треба да обрнеме внимание во следниот период до стартот на ЕП во Русија, летово – велат од боксерската федерација.

Ohridnews