Охридските Египќани ќе излезат со политичка платформа која ќе содржи повеќе барања за општествено интегрирање на оваа ранлива етничка заедница. Истата според предлагачот Демир Далип од десното крило на Сојузот на Египќани содржи легитимни барања на оваа етничка заедница и е во духот на Охридскиот рамковен договор.
– Која политичка партија ќе се обврзе да ги реализира барањата на Египќаните, за таа опција тие ќе го дадат својот глас. Со оглед на фактот дека се работи за над 10 000 Египќани во Македонија и во дијаспората со право на глас , секако дека нема за брашно и масло да ги дадеме нашите гласови.-вели Далип.
Според најавите политичката платформа на Египќаните ќе биде промовирана на 20-ти април.
OhridNews
