Тешката индустрија да биде оддалечена најмалку пет километри од населените места, побараа еколошките друштва од Велес, Охрид, Битола и Скопје, а финансиски подржани од УСАИД. Тие побараа дополнување на Законот за животна средина од 2007 година, со што ќе се предвиди да не се градат и рехабилитираат инсталации од тешката индустриј, која е најголем загадувач на животната средина, на растојание помало од 5 километри од населено место или заштитено природно подрачје.
За таа цел екологистите ги повикаа граѓаните на Велес, Охрид, Битола и Скопје од понеделник до 9-ти ноември од 8.30 до 16 часот да ја поддржат нивната иницијатива во Подрачните единици на Министерството за правда. Откако ќе бидат собрани потребните 100 потписи, иницијатива ќе биде доставена до претседателот на Собранието Трајко Вељаноски.
Доколку биде одобрена, потоа невладините организации во наредните три месеци ќе мора да соберат десет илјади потписи од граѓаните на Република Македонија за да се дополни Законот за животна средина.
