Сите активности во фудбалскиот клуб Охрид се запрени, а фудбалерите не тренираат неколку дена велат за ohridnews, извори од клубот.
И покрај двонеделната пауза во првенството поради настапите на македонската фудбалска репрзентација охриѓани не успеваат да ги консолидираат своите редови и во неизвеснот е доведен настапот на повеќето фудбалери кои во Охрид дојдоа во преодниот рок.
Охрид во наредното четврто коло в сабота на домашен терен игра против струшки Влазними, а доста веројатно сценарио е на саботниот натпревар да истрчаат фудбалери од младинскиот погон.
Охрид го елиминираше Турново во првото коло од купот, но во шампионатот “рибарите“ по првите три кола имаат само три бода.
ФК Охрид подолго време не успева да најде стабилен финансиер кој би застанал зад клубот, во меѓу време се изменија неколку преседатели, се одржаа неколку собранија на клубот што легитимни што не лигитимни но работата никако да тргне.
М.Постоловски
