Охридските “гладијатори“ се неприкосновени на домашен терен, а стружани ранливи на гостински

Охридската тврдина веќе две сезони е заштитен знак на охридските ракометари. Така треба да биде и во 18-та рунда од првенството кога охриѓани на домашен терен го пречекуваат лидерот на табелатa во Првата машка ракометна лига Струга.

Сезонава “гладијаторите“  на домашен терен ги мелат своите противници. Избраниците на стратегот Горан Андоновски пред своите гледачи се непогрешливи победувајќи на седум натпревари со гол разлика (191-155).

Во две сезони колку опстојува охридскиот клуб на ракометната сцена имаат претрпено еден пораз во првенствен меч и тоа од суперлигаш Зомимак минатата сезона.

Натпреварите на Охрид на домашен терен :

Есенскиот првак во прволигашкото друштво, Струга е ранлив на гостински терен. Во седум натпревари имаат забележано три победи, горчината на поразот го имаат осетено три пати, а еднаш ремизирале со гол разлика (198-181).

Сезонава струшките ракометари го совладаа Охрид на гостински терен со 31-26, но тоа беше во првата рунда од Купот на Македонија.

Покрај дербито на теренот ова ќе биде и двомеч на најдобрата одбрана онаа гранитната од Охрид која има примено (361) и струшкиот напад, кој досега има постигнато неверојатни 502 голови.

Мх.П.