Со божји благослов и молитва во црквата Св. Тојца во населбата Радојца Ночиќ, дваесет и пет млади синоќа беа испратени на традиционалниот Илинденски марш по повод одбележувањето на 106-годишнината од Илинденското востание.
Учесниците ги поздрави градоначалникот на Охрид, Александар Петрески кој е покровител на маршот, што 7 година по ред го организира здружението на граѓани „Христо Узунов“.
Годинава на охриѓани им се придружија и четворица членови на македонското друштво „Илинден“ од Тирана. Учесниците во маршот на патот до Крушево долг 102 километри, ќе минат преку илинденските села Куратица, Брежани, Илинска Црква, Мало Илино, Железнец, Доленци, Брезово, Зашле, Долно Дивјаци и други.
Охридските комити во Крушево ќе им се придружат на другите учесници во традиционалната манифестација 10 дена Крушевска република.
Ohridnews
