Советот на Општина Охрид денеска ќе оддржи две седници.
Најпрвин во 10 часот ќе биде одржана 48-та седница, со единствена точка на дневниот ред – советнички прашања.
Два часа подоцна ќе започне 49-та седница, на која ќе се расправа за повеќе точки од урбанистичката сфера. На дневен ред ќе се најдат предлог одлуката за утврдување Нацрт Детален урбанистички план за дел од УЗ 2,дел од Блок 2.5 – опфат 1, (црква Св. Никола –Долна Влашка мала), предлог одлука за донесување Детален урбанистички план за Урбана заедница 13 урбан блок 13.2 опфат 1(улица Будва и улица Винковачка), КО Охрид 4, Охрид 2011- 2016 и предлог одлуката за донесување Детален урбанистички план во Урбана заедница 12 дел од урбан блок 12.4 на кп 1469 ( кп 1087/3-стар број) опфат 1 ( улица Париска комуна) КО Рамне Охрид 2011 – 2016.
Советниците ќе расправаат и за предлог одлуката за започнување на постапка за доделување на договор за јавно приватно партнерство за реконструкција, модернизација и одржување на јавното и улично осветлување во општина Охрид.
OhridNews
