Агенцијата за промоција и поддршка на туризмот беше дел од саемот за туризам во Белград, кој се оддржа деновиве.
Како што информираат од агенцијата, на брендиран штанд „Macedonia Timelles“ се промовирале културните и природните атрактивности на земјата пред потенцијалните туристи од Србија. На штандот се промовирала и општина Охрид и охридскиот бисер, кој бил вистинска атракција и еден од најбараните производи на саемот. Дел од промоцијата била и традиционалната македонска храна и вино.
На саемот учевствуваа повеќе хотелиери и туристички работници од Охрид кои оствариле бројни контакти со своите колеги од Србија.
Промоцијата на Македонските туристички потенцијали на саемот беше во организација со Амбасадата на Република Македонија во Србија.
OhridNews
